أضحك فى وشى

اضحك فى وشى قبل ماامشى وماتشوفنيش..
خلى صورتك بأبتسامتك جوه خيالى ماتوحشنيش..
المنديل ده هخليه ذكرى..
لما أحن لريحتك بكره..
لو ناوى تطول ماتجيش..
على ايامك جنبى هعيش..
وهقول نفسو يعود مش قادر..
مش من نفسه لانه مسافر..
وبعيد بس حرام مانسيش..
بس ماقولش ماحبتنيش..

خلى عينيك على طول ف عينيه..
نفسى ملامحك تطبع فيه..
سيبلى ايديك نايمين فى ايديه..
ياما ح اتمنى اللمسه دهيه..
أنت واحشنى ولسه لامسنى وأنا مامشيتش..
مين داق فرقه وقال مش فارقه ولا البعد مابيموتش..
انا ياحبيبى لسه فى ايدك..
حاسه بروحى ماسكه ف ايدك..
اول خطوه تسيبنى وتبعد تطلع روحى وابقى شهيدك..

أضحك ف وشى قبل ماامشى يمكن دا الاخر وياك..
خلى دموعى بعد ماتمشى على كل اللى انا شفتو معاك..
......
اذا اقتبست كلماتى ووضعتها بأى مكان أخر
فضع بجوارها أسمى لأنى سوف أتعقبك