مافيش حبيبى..مافيش بحبك.

مافيش حبيبى..مافيش بحبك..
ومش بحبك تألمنى..
خلاص بقى أبعد وأنسى.. ماتقولش لسه وتظلمنى..
أصل المحبه ماتتجزئش..
قلب الحنين مايفرقش..
وأنت ياروحى مابتلحقش..
يومين وترجع تتخاصم..

عودت نفسك ع الحرمان..
وتشوف آسيه تحب كمان..
وأفكرك بليالى زمان..تغضب وتعمل مش فاهم..

أنا ح أحرمك من نار حبى..
وأحلف عليك تدخل قلبى..
ولا تخاصمنى ولا تخبى..
قلبى وعينيه ابقى انساهم..

مافيش حبيبى..مافيش بحبك..ومش بحبك دلوقتى..
خلاص ح اسيبك..ماابقاش حبيبك..
ولا اقول عليك اول بختى..

انت اللى بتحب تغير..
وتروح تهد وتتغير..
وانا كل يوم بسأل وابعت..
وأشوف حاجات صعبه تحير..

تعبت بيك قلبى وروحى..
بقيت آلامى وجروحى..
وكل مااكدب على روحى..
من غدرك أحزن على روحى..

ومش ح أقول انك غلطان..
الغلطه عندى وفيه كمان..
خلينى أحس انك انسان..
مش غلطان وتبيعنى كمان..

مافيش حبيبى..مافيش بحبك..ومش بحبك..
دا الحل بينى وبين قلبك..
شربت نار..
وقاسيت غلبك..
دا اللى جرالى من حبك..